【Emily】上屆邊揸車邊Zoom開會 郭偉强：會守指引，喺辦公室用

【明報專訊】立法會秘書處噚日舉行咗4場閉門嘅遙距會議綵排，畀議員熟習用Zoom開會嘅程序，議員可以喺辦公室或親身到會議室參與綵排。工聯會議員郭偉强上屆喺駕駛期間用Zoom開會，引起批評，佢噚日同Emily講無參與綵排，但話之後會問番其他有參與議員點用。郭又引述秘書處建議，話即使遙距開會，最好留喺立法會辦公室內使用Zoom，所以都會遵守指引。