【明報專訊】香港電台上載舊日訪問，包括1980年代訪問當時會考狀元，其中一名模範生係曾擔任律政司長嘅資深大律師黃仁龍（圖），訪問仲展示皇仁仔黃仁龍1981年嘅中學會考成績單，佢係7A狀元，又讀文科又讀理科，中英文、中西史、地理、數學、生物都攞A，藝術就拎D。黃仁龍喺訪問中話，以全面學習層面嚟講，佢係失敗，因為佢運動較少。黃仁龍當時話讀書目的係「為己為人」，「好實際咁講一句喺香港讀書係為掙錢，如果可以讀多啲書或大學畢業，相信養屋企人能力會增加」。 相關字詞﹕香港電台 會考 黃仁龍
