【Emily】同之鋒辯論聲疊聲 民記落選區議員鬧林太好差 謝偉俊．毓民．陶傑做評判

【明報專訊】港台節目《視點擂台》噚日用「香港人，身在福中不知福？」做辯題，揾嚟香港眾志秘書長黃之鋒同民建聯前區議員林琳過招。林琳噚日辯論時多番批評特首林鄭月娥，包括鬧林太「做得好差、我都成日鬧」，又話政府隨時可以換，分分鐘林太下屆都未必連任，仲話比較香港、澳門同新加坡嘅抗疫措施，香港係表達手法非常差，解釋唔清楚，「𠵱家香港人對政府冇信心，點樣restore（重建）信心？唔係上fb上載一兩張相就返嚟」。