【Emily】煥然懿居設共用儲物倉 智能托盤搬物

【明報專訊】土瓜灣馬頭圍道首置上車盤「煥然懿居」月底落成，市建局行政總監韋志成噚日喺網誌話，「煥然懿居」採智能技術，因應項目有唔少開放式同1房單位，面積較細，為令住戶更充分運用空間，市建局喺住宅大樓旁邊平台，設儲存倉「懿納」同自助洗衣設施「懿淨」兩項共享設施畀住戶用，仲研究喺儲存倉使用有自動導向功能嘅「智能托盤」，取代人手運貨，令貨架排得更緊密，增加儲存量。