【明報專訊】唔經唔覺，消防處喺香港提供緊急救護車服務已100年，隨住時代變遷，救護車嘅設備不斷提升，好似今年10月，所有救護車增設自動心外壓機，希望增加心臟停頓病人嘅存活率。消防及救護學院副院長（救護訓練）吳孝銘話，設備可為心臟停頓嘅病人持續施行心外壓急救，不受外界因素如道路顛簸、車廂狹窄等干擾，亦唔會因為救護人員體力不支而中斷急救。
