【明報專訊】創作力量同幻想，真係會嚇你一跳，尤其當望着facebook新專頁「Day Day Explode 日日爆」裏的菜式，被形容似嘔吐物的蛋瓜麵、加塊芝士就食得的三色豆、似塊鮮肉血淋淋的西瓜湯，實在想問一句，搞咩呀？疫情持續，時時見朋友將在家練廚藝的精緻成果放上網，這個專頁卻反其道而行，收集網友下廚的古怪、失敗、新奇嘗試，版主Rayne原本當然是為玩而開，不過與圍爐網友傾多兩句，她說，「煮食之中會看到一些小故事，笑唔緊要、judge唔緊要，但我總覺得跟投稿者的人生有些扣連。」例如阿爸怕仔女唔飽的苦心，又例如工時太長只好簡單食番餐。沒擺好盤，偶爾亂來，「都是日常」。