【Emily】問夏博義攞提名 湯家驊食檸檬
2021/9/27

【明報專訊】選委會選舉結果塵埃落定,躋身法律界選委嘅行政會議成員、資深大律師湯家驊,噚日就喺商台節目提到,自己最初好希望得到大律師公會提名,所以去信、致電公會主席夏博義(Paul Harris)爭取,但對方回覆稱認為呢場選舉不值得參與。Emily聯絡夏博義,至截稿前未獲回覆。

湯家驊又話,佢哋一眾參選人去拜訪大律師公會時,佢對夏博義表示,呢一票唔係屬於夏博義個人,而係屬於整個業界,強調公會唔能夠以政治掛帥嘅立場去處理業界選舉,其後法律界出現百分百投票率,意味大律師公會都有投票,湯家驊認為算係有改善,「唔投畀湯家驊冇問題,我哋唔係講個人利益,係整體業界」。

湯:唔投我冇問題 係講業界利益

今次法律界有16個人競逐15席,第16人係內地律師白濤,佢最終只得9票落敗。

湯家驊話,今次選舉工程得着較多,佢憶述上屆參選期間,民主派有30人名單參選,但唔少業界朋友都話對佢哋完全無認識下,30人全體當選,「業界較多大家都識嘅、較有代表性嘅人,包括我個人,都選唔到」,又指以前法律界選委除咗選特首,睇唔到事後有咩建樹。

十大熱門
一周十大