【明報專訊】唔少學校同機構都會組團參觀立法會，帶佢哋參觀並講解吓議會運作，立法會議員安排到時間亦會參與，做吓導遊。民建聯立法會議員張國鈞（Horace）噚日負責帶團時，參觀者之一係佢讀緊幼稚園K3班嘅細女，Horace話本身知道囡囡參觀立法會，咁啱會議噚日下晝1點已經結束，佢就帶團喺地下大堂影相，同埋上會議廳參觀，介紹議會運作。當時有老師同成班同學仔講，張議員係其中一個同學嘅爸爸，叫同學仔估吓，但開估後大家都覺得兩人唔算太似樣，要Horace除眼鏡企埋一齊比對吓。 相關字詞﹕張國鈞 民建聯 幼稚園 立法會
