【明報專訊】黃偉文（Wyman）日前在社交網點名批評有「金牌經理人」之稱的黃柏高（Paco），斥對方當年不尊重創作人的心血，經常在未有詢問的情况下擅改歌名，Wyman舉例說寫給楊千嬅的《MR.》是其中之一。
被改歌名離題老套
Wyman發文先寫下《MR.》當中兩句歌詞「可想過你那弱點，就是我剛剛想要」，接着寫道︰「𠵱家個歌名叫《MR.》，離題到爆又老套，只不過係Paco旗下好多好多首粒聲唔出，自己求X其改個歌名，到出咗街我先知嘅歌之一。其實問吓我先，都係一個電話啫，又有幾難呀。如果我唔係每一個字都執著，要撚到最好先見人，我就唔應該做填詞人啦。唔好立亂改我啲嘢，更何况係歌名。呢啲咪叫唔尊重囉，所以唔好郁作家嘅心血，否則真係記你一世。」
當新人時被迫接受改詞
Wyman不是第一次投訴作品被擅自改動，年前他曾貼出1997年為新加坡歌手許美靜寫的《傾城》手稿，說被改歌詞，他當時初出道只有接受。他亦提過張學友與林憶蓮合唱的《日與夜》歌詞，被改到「九唔搭八」。
娛樂組
