中環封街拍飛車追逐戲 任賢齊車廂激戰方中信 打瘀兼轉到暈

文章日期:2021年04月14日

【明報專訊】三大型男任賢齊、方中信及任達華合作鬥戲又鬥Chok,為警匪動作電影《邊緣行者》開工。新片以1990年代為故事背景,講述臥底警察滲入黑幫調查,當中有連串飛車追逐、槍戰場面及埋身肉搏打鬥戲,為求逼真,不少動作場口,3人都親身上陣。日前任賢齊與方中信於中環拍攝一場飛車追逐戲,兩車互撞導致翻側場面,任賢齊自爆坐在車上轉圈轉到暈!

記者:鍾一虹、林蘊兒

攝影:劉永銳

任賢齊(小齊)與方中信日前為電影《邊緣行者》開工,拍攝大隊到中環鬧市取景,將大會堂對開一段馬路封閉,拍攝街頭飛車追逐,其後互撞致車輛翻側,場面逼真,吸引數十市民在現場圍觀。為安全起見,製作團隊安排聖約翰救傷隊員在場戒備,以防追車戲萬一出意外,可即時救援,慶幸拍攝過程有驚無險。

工作人員合力推車轉圈

拍攝當日天氣炎熱,穿恤衫西裝造型的小齊與方中信,未正式埋位前躲到太陽傘下乘涼,見身旁沒工作人員便拉低口罩唞唞氣,人多聚集時即戴回。追車場面完成後即拍攝車廂肉搏戲,戴上手銬的小齊與方中信在車裏互相拉扯爭奪手槍,多名工作人員在鏡頭外合力推車並轉圈多次,小齊演得七情上面非常肉緊,加上天氣熱,令他熱得滿面通紅。

小齊:拍得辛苦但過癮

大隊拍至黃昏收工,自稱坐在車上轉圈轉到暈的小齊,匆匆換過戲服接受《明報》獨家訪問,他形容今次是拍得最辛苦的一部片,「因為動作場面多,每名演員都好用心,雖然拍得辛苦,但好過癮!場戲講我被拉去法庭時,遭人追殺而糾纏,受傷都有少少。追車時,朱仔(朱鑑然)部車的airbag(安全氣囊)彈出,撞中他的耳,之後有少少暈,我在另一部車才沒事」。

小齊透露槍戰場口不算太激烈,卻有多場俗稱「爛仔交」的打戲,佩服對手任達華親身上陣毫無怨言,又大讚陳國坤最打得,身手好、姿勢動作又靚。小齊開工前已做定拉筋熱身,可是仍打到周身瘀傷,弄致腰痠背痛,會接受針灸、刮痧、推拿等治療,以減輕痛楚。

■更多娛樂猛料 ﹕ol.mingpao.com