TVB餐廳暫停小菜防多人同枱 馬國明食碟頭飯呻少了樂趣

文章日期:2020年03月29日

【明報專訊】新冠肺炎疫情嚴峻,政府前日公布新防疫措施,禁止超過4人聚集,餐飲食肆入座人數只可維持正常一半,桌與桌之間需保持1.5米距離,以及關閉6類娛樂場所。TVB將軍澳電視城一向做足防疫措施,餐廳響應政府,每張枱只放4張櫈,並在當眼處貼出告示提醒注意事項。馬國明與商天娥(娥姐)昨日在電視城拍新劇《BB大晒》,娥姐笑言平日多數跟岑麗香及助手食飯,剛好4個人,無預馬國明。馬國明則透露公司餐廳暫停小菜供應,同事間少了同枱食飯樂趣,不像以前熱鬧,但安全重要沒辦法。

TVB除安排入電視城人士要量體溫、使用消毒搓手液,餐廳近期亦實施暫停小菜供應,只有套餐。昨日所見,餐廳配合政府新措施,每張枱只放4張櫈,枱與枱之間有一定距離。還在不同地方貼上告示:「溫馨提示:為自己,顧他人,食飯時,咪講嘢,要講時,戴口罩。祝各位身體健康。」

3星期無踢波 在家舉啞鈴

馬國明、商天娥(娥姐)昨日為《BB大晒》開工,馬國明稱公司員工餐廳暫停提供小炒菜式,與同劇演員少了同枱食飯樂趣:「暫時不可以大班人圍住圓枱食飯,不似以前那麽熱鬧,只能點碟頭飯,幾個坐埋一齊食,不過大家見面仍會有講有笑,無法啦,安全為上。不用開工時,我會戴口罩,家姐又買了搓手液畀我掛袋,方便使用。」他最近忙拍劇,無時間出外睇戲,收工便回家,所以戲院關閉對他影響不大,但足球場、健身室關閉,對他有影響,「我已經3星期無踢波,朋友說運動場連龍門架都搬走了,健身室又關閉,我唯有在家舉啞鈴」。

馬國明笑稱公餘時間,可以跟家姐一起欣賞正重播的《On Call 36小時》,他笑說:「感覺幾好、幾得意,以前網民讚我和楊怡合襯,叫我追她,可惜我輸畀羅仲謙。」

減少外出 未見過林子善女兒

提到楊怡與羅仲謙的BB預產期5月,他表示跟他們仍保持聯絡,相信要待疫情過去才可相約聚會,就算跟《鐵馬尋橋》班兄弟姊妹最近也少了見面,「最近好少外出食飯,多留家中,連林子善的女兒都未見過,遲少少再見,希望疫情盡快過去」。

商天娥戴透明大面罩食飯

對於新冠肺炎疫情肆虐,娥姐稱非常重視健康,胸前扣上抗菌包,出入化妝間又以手帕遮口鼻。她說:「做演員要上鏡,開工不方便戴口罩,怕整花妝容,不過我好小心,出入用手帕遮口鼻,保持對手乾淨,勤洗手。食飯時就戴個透明大面罩,夾餸落飯碗,將碗放入面罩內食,安全一點。」她自嘲以前少用面罩,收到朋友從外國寄來的面罩,使用時曾擺烏龍,「覺得戴面罩後視覺矇查查,原來我未撕開面罩塊保護膜」。

娥姐表示日常跟老公和媽媽3人生活,不超過限制。至於劇組放飯時段,唯有減少與人一齊食飯,「今日老公來陪我,平時我與助手、岑麗香和助手共4人一起食飯」。問到不預拍檔馬國明?娥姐笑說:「馬國明咁靚仔,最多我叫助手暫時讓位畀佢。」

記者:鍾一虹

攝影:鍾偉茵

■更多娛樂猛料 ﹕ol.mingpao.com