【明報專訊】張致恒（Steven）早前突然宣布與歌迷雯雯誕下一子，兩人準備結婚，但隨即被揭他未跟「正印」梁皓恩（April）分手，兼與多名女性糾纏不清，鬧出一腳踏五船的桃色糾紛，形象插水。他曾公開向April道歉，又強調雯雯從來沒有用小孩威脅他，懇求網民不要鬧無辜的雯雯及小孩。Steven受千夫所指，雯雯前晚再在Instagram（IG）撐他，說感情事無對錯，就算不被睇好及罵，她都選擇努力跟他行落去，只希望大家停止傷害及侮辱小朋友。
娛樂組
與張致恒同居的April得悉被欺騙感情後，傷心閉關20多天，日前在社交網報平安，說事件令她大受打擊，但她感激各方關心和慰問。Steven未婚妻雯雯之後在社交網上載抱着兒子溫馨照片，留言說知道真相已足夠，現在最重要是堅強面對，繼續向前行，這段桃色風波似告一段落。
未給機會怎可判死刑
前晚雯雯再於IG的限時動態撰文訴心聲，她說：「世界上冇人唔會做錯事，你同我都一樣都會有錯嘅時候，至於值唔值得原諒，每個人都會有唔同睇法，而我就覺得都未比（畀）機會，唔通就要判人死刑？感情事從來冇對與錯，自己覺得值得就繼續，就算全世界幾唔睇好喺度鬧，自己選擇嘅就要努力同佢一齊行落去。」
望愛兒有成長空間
雯雯為Steven護航，同時請大家放過無辜的兒子，她繼續寫道：「至於小朋友成長會係點，開心唔開心，好同唔好，都唔係你同我可以去做結論，既然佢已經嚟到呢個世界，就畀空間佢去行佢嘅人生，所以希望大家可以停止去傷害同侮辱一個只擁有一顆天真嘅心、無論發生幾唔愉快嘅事都係會帶住笑容的小朋友。我仍然相信每個人都有善良嘅心。」
其實雯雯在事發後已不止一次開腔，希望大家能給他們空間，學習做父母。
