黃劍文憑微電影《12.31.23.59》，榮獲微電影「創+作」支援計劃（音樂篇）最佳微電影男主角獎（初創企業組）銀獎。當天出席頒獎禮的黃劍文感興奮，除了奪獎外更可親身與業界見面。
黃劍文首奪電影獎項，自爆得獎時緊張到「發台瘟」：「從來都沒想過自己能夠攞獎，平時唱大騷都不會緊張，得獎時竟然第一次發台瘟，上到台緊張到唔識講嘢，好多合作團隊單位都忘記講多謝，我自首請大家食飯補數和慶功！」
首奪演員獎項令黃劍文更有信心向演藝發展，更即時與公公婆婆分享喜訊：「因為公公年紀大有時唔記得我，但係我好想攞呢個獎返去同公公分享，話畀佢聽我一直都好努力，冇失禮佢。當晚完咗頒獎禮，之後趕住錄音錄到凌晨，同經理人去飲早茶、食鳳爪排骨飯當慶祝。我係唔會放棄音樂，但如果有合適嘅角色，可以搵我試下，因為我都想雙線發展。」
