王賢誌（Vinci）今天（27日）與J2真人騷《仔仔一堂》12位參賽者，到灣仔舉行「Boyscation 粉絲慈善見面會」，節目成功配對Carson及Andrew、Ray及Kenny，但拍攝至今相隔1年，Carson及Andrew已分手，再見亦是朋友，Vinci自覺好叻，自己是過來人，也到30多歲才覓到另一半，見到Ray及Kenny過了1年，還很甜蜜十分難得。
Vinci透露12位「仔仔」已簽約旗下經理人公司，問是否想當金牌經理人？他說：「有排都未到，佢哋唔係個個想拍劇、唱歌、跳舞做藝人，但可以透過出席慈善活動推動性小眾。」
至於可有計劃開拍第二季？Vinci稱節目播出幾集已有網民問，他雖很有興趣但覺得有難度，他說：「因今次搵參賽者已差唔多問晒認識嘅人，要再搵嘅話，真係要識新朋友或者要人哋介紹，最大難度係如果再重覆就冇新意，亦有人提議製作大灣區版或亞洲國家版，但語言溝通亦係一個問題。」
