黃偉文批黃柏高擅改心血 楊千嬅《MR.》歌名離題老套 (13:06)

文章日期:2022年01月23日

黃偉文(Wyman)日前在社交平台點名批評有「金牌經理人」之稱的黃柏高(Paco),指他不尊重創作人心血,當年經常在未有詢問的情形下擅改歌名,他當年寫給楊千嬅的《MR.》就是其中一個例子。

Wyman先寫下《MR.》當中兩句歌詞「可想過你那弱點 就是我剛剛想要」,隨後表示︰「依家個歌名叫《MR.》,離題到爆又老套,只不過係Paco旗下好多好多首粒聲唔出,自己求X其改個歌名,到出咗街我先知嘅歌之一。其實問吓我先都係一個電話啫,又有幾難呀。如果我唔係每一個字都執著,要撚到最好先見人,我就唔應該做填詞人啦。唔好立亂改我啲嘢,更何況係歌名。呢啲咪叫唔尊重囉,所以唔好郁作家嘅心血,否則真係記你一世。」

(即時娛樂)