今日網上流傳撞車片段，早上11時許，一輛蓮花（Lotus）跑車沿大埔博研路往科學園方向行駛，其間疑因天雨路滑，跑車似「炮彈飛車」突然失控剷上石壆，再攔腰撞向燈柱，跑車車尾飛脫，停在單車徑上。車上兩名男子無大礙，在車上等待救援。
下午討論區流傳事件涉無綫藝人，原來有網民認錯車上一男子是張達倫，還留言關心問：「有冇朋友仔可以話返畀我聽張達倫有冇事」。消息傳出，張達倫的朋友也擔心他的安全，為此他現「真身」，直接給網民回覆：「請問你講嘅張達倫是我嗎？我冇事！多謝關心，因為駕駛者不是我。」
張達倫回覆《明報》，笑說：「最早是莊思敏傳截圖給我，問：『點解會話係你嚟嘅？』我仲話邊個咁大整蠱？跟住就不停收到短訊慰問我有冇事，我唯有答：『梗係冇事啦！都唔係我！』張達倫不明白為何自己會被認錯。他說：「我都有睇該片段，希望司機與同車乘客都平安。這件事令我發覺自己都有好多朋友，個個都走晒出嚟關心我，問我有冇事？希望我的朋友知道愛要及時，不要待有事發生才聯絡我啦！哈哈！」
