何雁詩（Stephanie）早前與丈夫鄭俊弘宣布造人成功佗男B。Stephanie今日在社交平台上載自己腹大便便的孕照及胎兒的超聲波照片，留言︰「A different size everyday﹗每日同自己講： I am fine, I got this﹗望住照超聲波見到嗰隻雞髀，俾啲信心自己。有時隻雞髀又會腳踢踢，又會安心啲，知道佢喺入面ok。喺屋企花啲me time照顧自己，寫吓歌，浸吓浴，敷吓mask，又有啲二人世界，因為遲啲就要爭取先有。煮吓飯，一齊睇吓電視，好好享受一下，希望一切順利。」
