SHOWBIZ / LATEST 即時娛樂

青春本我|鍾柔美求學時曾遭欺凌 指Venus眼神駭人 (15:22)

2021/12/13

鍾柔美在劇中慘被欺凌,她表示現實校園生活中也曾試過遭欺凌。(大會提供)

2 photos

無綫劇集《青春本我》昨晚(12日)播出第2集,昨晚劇情講述葉敏兒(鍾柔美飾)因為與馮樂詩(林沚羿飾)前度男友Eden(劉展霆飾)過從甚密,招惹對方妒忌,並同時因競選女學生長事宜,而慘受校園欺凌。

昨晚可算是鍾柔美(Yumi)Solo演出,被困課室的她高唱《傻人》,Yumi在劇集播出後直播時坦言,現實生活中亦曾遭受欺凌,並透露參與《聲夢傳奇》前性格較負面:「我經歷冇劇入面咁慘,只係都聽過啲唔好聽嘅說話。我之前又負面啲,會因為好少嘢諗好多嘢,又會收收埋埋咁。但自從參加《聲夢》識到呢班朋友,我就慢慢開心番。我細個都驚校園生活,可能之前啲人知我有參與表演,會亂諗我,所以呢個經歷都幫助到我投入(角色)。」

Yumi又感激蓮姐(林君蓮)為她創作了《傻人》,但亦忍不住笑指歌曲難度很高:「開頭收到首歌覺得好難,Range好闊,又好Dark咁。」蓮姐聞言即笑回:「我要作隻咁嘅歌畀我哋最開心嘅少女喎,我都好迷惘,心諗點寫好呢?」

在劇中打翻醋罈子的Venus,則被其他同場「聲夢」學員一致大讚演技好,尤其Venus妒火中燒的眼神,更令Yumi為之害怕,Yumi在直播期間「角色」上身,向著Venus搞笑謂:「你唔好用咁嘅眼神望住我,我真係會好驚,會驚你殺咗我。」與Eden有感情及分手戲的Venus笑指,順利完成拍攝全因與對方「唔認識」:「咁樣拍起上嚟可以冇乜戒心。」

(即時娛樂)