孖鄭欣宜為加拿大中文電台隔空表演 Jay掛念媽咪派心心 (18:20)

文章日期:2021年08月02日

在加拿大成長和讀書的鄭欣宜(Joyce)和馮允謙(Jay Fung),最近接受加拿大中文電台邀請,為網上《加拿大中文歌曲創作大賽》決賽擔任表演嘉賓。雖然不能親身飛到當地,但日前在香港拍攝表演項目時,二人心繫當地家人和朋友,兩年沒有見媽咪的Jay,還隔空畀心心,熱情的Joyce亦對Jay媽講「I love you」。

受疫情影響,他們接近兩年沒有回「加」,Joyce表示每年最少一次飛回溫哥華或多倫多探親,前年更到當地參與慈善活動。今次她選唱《@princejoyce》和新歌《先哭為敬》。她說:「我自細聽『加拿大中文電台』,因為婆婆好鍾意聽。今次表演,有一種返屋企嘅感覺。」 

Jay亦表示近兩年沒回「加」,非常掛念。今次是他首度參加當地舉辦的活動,媽咪特別開心,他說:「媽咪知道我今次表演好開心,仲專登去搵我哋做封面、報道今次活動嘅雜誌。兩年無見媽咪真人,好掛住佢。今次揀咗兩首自己創作和參與嘅《思念即地獄》和《山旮旯》,一路唱一路諗住媽咪,佢話會叫埋啲朋友一齊睇。」

表演開始前,Joyce和Jay分享追尋音樂夢經歷。Joyce說:「我最困難係入行最初幾年,好多負面聲音,話我揀嘅路係錯。甚至初入行時,有一位我好尊敬嘅前輩,叫我唔好唱歌!但我堅持,慶幸我有能力追夢,堅持夢想。」

Jay安慰她說:「依家證明你入行係正確,好成功。無論做乜嘢都會有障礙,或者會有人懷疑你嘅能力,所以只要專注你要做嘅事,相信自己。」

Jay表示10年前隻身來港,參加歌唱比賽和發展音樂事業,難以適應,「最初唔習慣天氣,點解去到邊都超多人?又熱又無自己空間。加上我中文唔叻,就連去茶餐廳都唔識睇餐牌嗌嘢食,有時會偷睇隔籬枱食乜就照跟,否則只識得叫『叉燒燒肉飯』,所以以前食好多呢款飯」。欣宜笑問:「咁你依家係咪食怕咗?」Jay說:「哈哈,未怕,仍然好鍾意食。」

(即時娛樂)