【冒雨拍廣告】Aka攞正牌街跑 撩狗玩暫忘被咬創傷 (22:38)

文章日期:2020年10月27日

剛推出新歌《Fearless》的趙慧珊(Aka),近日為手表品牌拍新廣告,雖然拍攝當日遇上天氣欠穩,更曾發出黃色暴雨警告,但最後仍順利完成拍攝。

Aka於廣告中換上4款造型,包括穿上運動裝於街頭斜路跑上跑落,但Aka不覺辛苦,還表示爽到爆。「平時有跑步,所以唔覺得辛苦,反而因為疫情自己少跑咗,現在可以攞正牌在街上跑步,感覺好正。其實手表主題好適合我,講緊永不放棄,好似做運動咁,只做一兩日係冇用,要一路keep住做唔好放棄」。

而Aka在街上等候拍攝期間,遇到一隻西施狗,雖然其主人示意狗仔離開,但西施狗卻向Aka搖尾,哄得Aka非常開心。曾被狗咬傷的Aka,還蹲下與西施狗玩耍,令經理人及工作人員非常緊張,急忙叫她起身。Aka則說︰「西施狗好開心向我衝過來,我發覺原來我都幾受狗歡迎,唔記得咗之前發生意外,仲蹲下同隻狗玩,之後更吸引了大狼狗過來,經理人就好緊張叫我起身,現場工作人員都好擔心,當刻都有啲驚,係要時間慢慢去克服。」

(即時娛樂)