每年10月對姜晧文（黑仔）來說，是個特別開心的月份，除了是自己的生日，也是太太殷寧的生日，更是二人結婚周年紀念。日前在工作後，黑仔獲工作團隊同事送上驚喜生日蛋糕慶祝，黑仔表示生日願望是大家身體健康：「好多謝大家咁有心，好多朋友都話一齊慶祝，不過疫情關係，就冇得一齊食飯；我諗今年好多人嘅生日願望都係一樣，最緊要身體健康，開開心心！」
雖然今年沒有一大班朋友一同慶祝，姜皓文與太太二人世界更是甜蜜，黑仔在太太生日及結婚周年紀念，安排了一連串心思驚喜，自彈自唱生日歌及《分分鐘需要你》，唱完後兩公婆恩愛咀嘴。同時黑仔又安排在餐廳和老婆撐枱腳，難怪殷寧大讚老公，更冧爆表示心跳加速，她說：「黑哥畀咗好多surprise我，生日當晚佢拉我入房，彈結他畀我聽，嗰吓有心跳感覺，覺得老公好靚仔，多謝老公！ 」
