苑瓊丹日前為香港開電視 《開工大吉77》拍攝短劇，預演年初三「赤口」對應方法。她笑說：「我屋企人少，佢哋又唔八卦，所以從來唔會嗌交。我每年都用利市做武器，利市一出，誰與爭鋒？所以大家想年初三唔好犯赤口，最好就帶多幾封利市傍身，大家喜氣洋洋就咩劫都化到啦！」
苑仔在短劇中示範藝人拜年常見的情況，如被拜託幫手買演唱會飛、追問八卦新聞內情等。她說：「買飛就不時遇到，但講真，你當我係主辦單位多多都有咩！有時幫手買張飛要左撲右撲架！而八卦新聞內情就更加唔會講，扮咩都唔知，事關親戚當中要是一個係大喇叭，我就慘喇！所以藝人朋友跟我學番一招半式，睇吓點樣耍走班親戚，咁咪大家都開開心囉！」
