【得閒修女】素顏出海釣魚 劉小慧自認心急:訓練我耐性 (22:15)

文章日期:2019年07月21日

劉小慧自開設facebook帳戶後,經常做直播傳授小貼士,又會分享自己的家庭生活;近日她跟朋友去了日本石垣出海釣魚,「得閒修女」亦不忘跟大家分享自己的釣魚樂。小慧在社交平台上載視頻,素顏的她釣到一條大石斑,表現興奮,她留言:「#蘇hea自由行 #石垣 #出海釣魚 我同老公 蘇志威Soboss 係非常鍾意釣魚和出海,仲要係用電動魚鉸(絞)嚟釣大魚,所以成年前約定啲朋友嚟日本石垣。釣大魚就首先要釣啲細魚做生魚餌先。今次一黎(嚟)就釣到有條成個身咁長嘅石斑!首先 大家先略過我素顏及瓦爾蓋達防曬裝 我好鍾意釣魚,其中一個原因就係訓練我這個咁心急嘅人的耐性,因為唔係一放落去,就即刻有魚咬。當有魚咬緊你嘅魚餌時,都唔可以即刻chok佢上嚟,要俾(畀)啲耐性等下(吓),如果唔係好容易畀佢走甩。你哋呢?有冇啲咩去旅行嘅特別玩法? #得閒修女」片段中,未見小慧老公蘇志威,未知是否由他操刀拍攝呢?

(即時娛樂)