鞏俐再婚 嫁70歲法籍男友 黃秋生:我覺得人生好神奇 (13:14)

文章日期:2019年05月17日

53歲影后鞏俐驚爆跟70歲的法籍男友Jean-Michel Jarre結婚,網民議論紛紛,而影帝黃秋生今日凌晨亦在社交網轉述鞏俐再婚報道,並說:「(有段故)佢哋同我冇關,不過佢兩個同我一個旅程有關。好耐之前演藝學生(我當時仲係學生)去北京交流時鞏小姐嚟接機,(佢仲係學生,而且係高材生。)我哋班男生睇到眼凸。佢鬼火咁靚。不過可惜只安排招代(待)老師,晚會時只同老師跳舞。(當時好單純,好正經嘅世界。)

八十年代內地仲未有K,末(未)有Disco,我帶咗佢呢個老公嘅錄音帶上去,當時住舊紫玉飯店,夜晚似住飛蛾山,乜都冇。不過有一間房,有一部錄音機,有彩燈(彩色燈膽。) 同一個看場阿叔。我哋成班同學夜晚冇嘢做就去嗰間房開party,放阿法國電子樂大師嘅音樂。唔夠十分鐘。音樂停咗。阿叔停機,我問佢乜事。佢一臉驚恐咁同我講,呢D(啲)唔準(准)放,我問點解?佢重覆話唔準(准)放。於是我哋冇㽼(癮)收皮,返房講鬼故。當年一個重點培育,一個唔準(准)放。而(依)家走埋一齊。我覺得人生好神奇。」

相關新聞:53歲影后鞏俐驚爆再婚 嫁70歲法籍男友

(即時娛樂)