許志安和黃心穎爆出車廂偷情事件近一星期，事件持續發酵，安仔開完道歉記者會後「潛水」，而黃心穎亦未曾公開露面，只在社交網發文道歉，安仔老婆鄭秀文和心穎男友馬國明，亦先後就事件表態。
2016年的落選港男梁裕恆（Flow），連日來在社交網為心穎發聲，惹起網民熱議，雖然Flow曾表示不再回應事件，但他仍忍不住在社交網繼續講，今日凌晨Flow在網上撰長文，他表示看完大家的留言，分析鬧他的人主要有三種，包括鄭秀文的忠實粉絲﹑有修養講道理的人和為鬧而鬧的人。
Flow又強調沒說過心穎沒有罪，只是「罪不至死」，他又暗指心穎和馬國明沒有拍拖，他說：「看到大家的留言 罪名主要有兩點 一.未有和馬國明分手就開始另一段關係 二.未有等許志安正式離婚就和他開始 一.我想問大家究竟相信幾多對（螢（熒）幕情侶）係真既（嘅）？（這點我不想多說 不想把焦點拉得太遠 有機會再說）第二點她難辭其咎 一定係錯
依家個社會真係有好多賤男人結左（咗）婚出離（嚟）玩 話婚姻出現問題去扮可憐 去厄（呃）好多女人天生既（嘅）同情心 欺騙她們會離婚 欺騙女人的青春 感情 肉體 給她們假希望去欺騙別人的真心真意 令一個傻女人去等待
我自己身邊不少女性朋友出現這情況 我都會勸阻她們 別傻了 不要相信 有老婆仲出離（嚟）搞搞陣（震）的一定係賤男人 可是有時女人真的很傻 情不自禁去相信這些賤男人的說話。」
不少網民指Flow應該收聲，有網民說：「黄心穎就係唔想巿民用咁多用度去思考問題，因為佢覺得好醜，只想快D（啲）平息件事。你今次似乎好心做壞事了。」﹑
「好多人欣賞你敢言，但對事情沒有幫助，可能會仲衰，做嚟做咩？等如你見到有火就沖埋去淋水一樣，欣賞你勇敢救火，但係人地（哋）係因為易燃液體起火，你淋水使火勢擴大。所以更多人話你冇腦。」﹑
「依家個個係話你『抽水』，你在人地（哋）傷口作文抽水借人地（哋）上位啊！咩野（嘢）『突然醒起』果d（嗰啲）你唔提...扮咩分析人地（哋）留言？每樣野都會有人支持同唔支持，唔好以為post幾個人支持你既（嘅）留言你就會變得合理～」
