謝霆鋒日前接受無綫財經台節目《「錢」進新世代》訪問，重申他第一桶金並不是來自後期製作公司，而是從投資地產所得回來，他說：「我由19歲開始，所有拍戲掙回來的錢都投資地產，因為我唔識其他嘢，覺得磚頭唔會走。」他後來才將投資地產的利潤開設後期製作公司，及後創立自家品牌「鋒味」。
主持人問名人會否令自家產品更易被炒起？霆鋒表示：「係容易啲死！好似兩個月前某刊物發放產品報告，測試市面上58款曲奇致癌物，雖然『鋒味曲奇』被列入名單內，但報告當中無詳細列明究竟食幾多先有問題，而我們的曲奇在咁多測試產品中致癌成分是好低，可能加上我做幕前工作，媒體就會以我的品牌作為標題，所以是有點唔公平。」他認為報告未能反映事實全部，當中要進食分量多寡才是關鍵所在，「譬如話食維他命會死，但原來是講一日食50樽，咁梗係會死；又或者話『食白飯會有糖尿病，因為入面有糖。』唔通唔食白飯？所以要講埋『如果你一日食500碗白飯，你係會有糖尿病。』如果無講清楚，其實是誤導緊消費者。最慘是我成為標題，就有人睇。」
