SHOWBIZ / LATEST 即時娛樂

【邊個斷捨離?】新城獎座被棄橋底 當年得獎者爭住否認 (00:41)

2019/2/8

吳彤(左起)、蔚雨芯、龍小菌與羅力威當年在新城奪得躍進獎。(小圖)商台DJ Colin在Ig曬出該獎被棄置照片。(網上視頻截圖/Colin Instagram圖片/明報製圖)

3 photos

商台DJ Colin今日在Instagram限時動態分享一張黑白照片,寫著「北角渣華道橋底」。相中有一個被棄置的2013年新城勁爆頒獎禮的獎座,跟一堆舊鞋放在一起。獎座上面寫著「新城勁爆躍進歌手」,該年獲得這個獎的有羅力威、龍小菌、連詩雅、蔚雨芯與吳彤,羅力威是金獎得主。究竟獎座是否屬於以上5位其中一位?又或是新城當年做多了獎座?

King Jer娛樂台facebook提到這件事,問:「究竟係邊位歌手咁實踐斷捨離呢?#快啲出嚟認頭 #個歌手見到呢個post會唔會番渣華道執番(返) #呢幾位歌手要自保 #可能要貼番自己個獎出嚟先 #新城呢啲膠獎會唔會有環保商回收」有網民笑言可能當年獲得這個獎的歌手全部都掉了,所以不會有人攞到個獎出來。

龍小菌得知「棄獎」事件後,立即在社交網曬捧著獎座的新相,力證她不是「棄獎」嫌疑人。她留言:「2013年勁爆躍進歌手獎,多謝新城,多謝銳哥當年頒呢個獎比(畀)我。#攞一次獎有兩個機會講多謝 #我仲有唱歌寫歌㗎 #我隊band叫帶菌者 #謎底好似就快解開」

蔚雨芯則留言呼冤:「D獎項全部喺晒公司,冤枉!」移居加拿大的吳彤亦留言:「溫哥華時間早上7時17分,瘋狂收到朋友短訊。King Jer娛樂台既(嘅)威力真係好大。移居加拿大一段時間,應該要斷捨離都一早斷捨離。不過我獎唔多,所以擺倉都仲好多地方,有緣攞出黎(嚟)影張相囉!何況咁多女裝鞋,我應該冇咁嘅福份,亦冇咁嘅興趣。祝大家豬年快樂啦!」雨僑則代老公羅力威在King Jer娛樂台facebook留言否認:「唔關我事啊嗱 #我住九龍 D鞋都唔係我㗎~」有指連詩雅跟蔚雨芯一樣說獎放在公司。

(即時娛樂)