「靚絕五台山」的藍潔瑛被情緒病困擾多年，因此影響幕前工作，並早已淡出娛樂圈。不過她在2015年5月期間，因為跟nowTV《102觀星總部》節目監製賀志良，在她初出道時曾合作過《430穿梭機》，於是再次接受電視台訪問，如今變成藍潔瑛最後一個的電視台訪問。
藍潔瑛在節目中接受主持人梁榮忠訪問，她表示多年來最喜歡《大時代》阿玲這個角色，當時以為演學生妹很容易，輕視了演出，監製韋家輝之後畀機會重拍才OK。至於那一場戲最深刻，她說：「有場戲是丁蟹阿媽（黎宣飾演）上門，搞到又跪又拜要求原諒，原本劇本要我行去喊住咁拖起佢，但臨場我就行埋一邊，蹺住對手喺度流眼淚，默默喺度喊。（最喜歡那一場？）匿在後巷見到劉松仁，叫佢救我。（角色對你影響好大，抽離唔到？）無咁嘅事，我去邊度搵個方展博、方乜乜嚟我身邊？何來抽離唔到。」
藍潔瑛坦言有人邀請復出都想復出，笑言都是做演員，應該不會找她寫稿，自己又不懂得揸機拍攝。
