結婚已近半年的雨僑及羅力威，婚後各自忙於工作，近日終展開了雨僑命名為「度蜜年」的首個沖繩石垣島蜜月旅行。在這個Social media的年代，這對小夫妻也需要繼續經營自己平台，雨僑笑言只要有上網和相機，也要繼續工作！
當然半工作、半留回憶下，影相成了蜜月旅行的一大重點，平日網上雨僑分享大量靚相，她直言老公是靚相的幕後功臣：「今次影得最多是IG上的『follow me系列』，老公其實最討厭幫我影呢種相，因為一隻手要拖住，一隻手又要拎住部極重相機，搞到影個時會好『論盡』，有好多失敗之作！
不過經過長年累月訓練後，佢已經上晒手，同時想我幫佢影番；但男人同女人影相好唔同，我要企到勁遠先幫到佢影，又曬又熱差點中暑，才影到1、2張合佢心水，男人都唔係冇要求！」
