夏日天氣炎熱，容易加速細菌生長繁殖，食物不妥善保存會容易變壞。有網民在討論區訴苦，指媽媽經常不用保鮮紙存放食物，而雪櫃和電飯煲的情況令他慨嘆媽媽衛生常識差。
事主在「連登」圖文並茂發文投訴媽媽，「一返屋企見到佢用把扇蓋住啲嘢食，唔知好嬲定好食。把扇直接掂到啲嘢食，整污糟啲嘢食之餘，食物啲油又整污糟把扇」。事主之後打開雪櫃，「成日直接疊住啲嘢食，又唔用保鮮紙，碟底掂完枱面又掂下面嘅食物」。
不過令事主最生氣的是電飯煲的情況，「最忟係呢樣，有時煮完飯會浸水（易洗啲），然後放返落電飯煲蓋，幾日唔洗，幾日後我打開電飯煲發現有陣酸臭味……」事主指跟媽媽說過後，再有新發現，「今日新招式，話說我話完佢，話屋企有曱甴，唔好再就咁放食物喺枱面，要包保鮮紙……我估佢懶，就直接將半個橙向下放……」
事主遭遇引起不少網民共鳴，紛紛分享家中情況，「好彩家母有潔癖，不過養樓主你咁多年都唔出事算好嘢」；「食過嘅零食要攞啲密封既容器封住，廚餘要包兩層膠袋掉出垃圾房，唔可以直接扔落垃圾桶，喺張枱食過嘢要用洗潔精抹枱，飲完紙包飲品最好洗手，話驚甜」；「嘩我阿媽又係咁上下，我成日同佢講啲碗等我洗，唔係因為我孝順，而係佢洗得好求其」；「成日將啲生肉同啲熟嘅嘢擺埋一齊，講過好多次又唔聽」；「有時啲食物殘餘黐住，佢自細教我用鋼絲去刷，我大咗學多咗先知會刮花晒藏菌，又會甩重金屬，亂教人」。
其他報道：【佔旺藐視法庭】黃浩銘申上訴至終院被拒 上訴庭：無重大廣泛或關乎公眾重要性