喺賽馬場入面奔馳嘅馬匹，無論喺賽前定賽後，都要通過血液及同尿液化驗測試，確保唔受藥物影響，令賽事公平公正咁進行。香港賽馬會賽事化驗所最近就有三位年輕化驗師，喺國際會議上，發表咗馬匹最新嘅藥檢技術，榮獲「青年科學家獎」。
其他報道：港大研發防治愛滋病「萬能」抗體 逾四成小鼠受感染細胞完全清除
三位「80後」化驗師蔡麗嫦、蔡若琦同王建星，各自用咗兩年時間，分別研究新興類固醇藥喺馬匹嘅新陳代謝、提升檢測類固醇靈敏度同覆蓋率嘅馬毛藥檢方法，及利用蛋白組生物標記監控禁藥或違規行為嘅方法。佢哋仲喺三月阿聯酋杜拜舉行嘅「國際賽事化驗師及賽事管制獸醫聯合會議」上，發表咗研究結果，最後獲頒「青年科學家獎」，係馬會第五度有參與者拎到呢個獎項。
佢哋嘅研究亦逐漸投入應用，當中蔡若琦嘅馬毛藥檢，就已經應用緊喺日常檢測。蔡麗嫦嘅新興類固醇藥物檢測，依家亦喺賽事監測上用緊，包括禮拜日（29日）喺沙田馬場舉行嘅冠軍賽馬日。至於王建星嘅檢測方法，就仍然進一步研究緊。