即時港聞

【多圖:Emily Online】林鄭現身民主黨黨慶 IG發帖「#大和解」 (21:38)

民主黨今晚喺九龍灣舉行23周年黨慶酒會及晚宴,現身官員陣容可謂近年最鼎盛,特首林鄭月娥、民主黨曾要求下台嘅財政司長陳茂波在內等三名司長、多名局長同高級公務員等賞臉捧場,星光熠熠,同上屆梁振英政府執政時相比,可謂天淵之別。

對於新政府此舉係咪有助改善關係,民主黨主席胡志偉晚宴前強調,政府官員出席政黨黨慶、同唔同政治版塊建立關係,係正常嘅事、應有之義,並非特別。

不過胡志偉都承認,新政府同梁振英政府做法唔同,因為梁振英以前係唔畀司局長出席泛民政黨黨慶,做法係同整個社會決裂。

各司局長出席酒會環節後離開,林鄭月娥就喺晚宴坐足一個鐘先走。其間佢趁住民主黨資深黨員李華明獻唱《笑看風雲》嗰時,即場捐出3萬蚊以示支持;事後又喺instagram分享現場照片,其中一個標籤寫住「#大和解」。

其他報道:喊「結束一黨專政」不能參選? 張超雄:不會屈服 田北辰:少講為妙

其他報道:【五蚊三份播不停】三菜檔噪音擾民共罰1.6萬元 有舖位已轉真人發聲

其他報道:評判台上改賽果稱講錯 合唱賽逆轉敗九華上訴

相關字詞﹕民主黨 黨慶 林鄭月娥 陳茂波 梁振英 編輯推介

上 / 下一篇新聞