即時港聞

【專訪:城巴奪命車禍】死者王友聲妻憶與夫同被夾 狂呼「求吓你救咗佢先」 稱不能原諒司機 (23:43)

深水埗城巴3死車禍令王太與青梅竹馬的丈夫王友聲陰陽永隔。王太在醫院接受本報專訪時稱,仍未能接受丈夫已逝的事實,並表示「原諒唔到佢(涉事司機)」,期望城巴正視車長工時過長問題。

她在病房憶述,意外時她與丈夫被夾在車頭位置,動彈不得,望着丈夫面色轉藍,自己卻欲救無從,形容是最難過的一刻,「我望住佢自己又郁唔到,見佢面色開始轉,當時嗌咗好多次『求吓你救咗佢先』,希望有人幫到佢」。惜丈夫獲救時已無意識,搶救後不治。

如今與至愛永訣,王太說﹕「身體上嘅痛遠不及心靈創傷,覺得好嬲,原諒唔到佢(司機),因為佢疏忽令我老公無咗條命,死得咁冤枉。」她說康復後會委託律師向城巴追究,「始終係人命,唔可以話賠償就算」,期望城巴正視車長工時過長問題,改善人手安排,「揸車有好多人命喺佢(司機)手,唔想再有意外發生。」

本來與丈夫同住的她,直言康復後希望盡快搬離舊居,「(舊居)全部都係佢嘅影子,驚自己接受唔到,希望有家人陪住」。她說,自己在船務公司任職,遇上意外令她身心均受傷,精神狀態不佳,短時間內未能工作,幸獲同事體諒,但兩夫婦的收入一向僅能支持日常開支,「佢突然走咗我都有一定壓力,月頭就要交租」。

王太說,目前只能專心養好身體,康復後希望能回家照顧貓兒,並為日後的生活作準備,「身體上嘅痛會有康復一日,但心靈創傷唔知幾時先會好,需要時間慢慢沖淡」。

市民如欲捐助王友聲家屬,可直接存款到以下戶口: 

匯豐銀行:098-5-033877(Wong Samaroo W K)

更多王友聲太太專訪,請留意明報周一(25日)報道。

相關報道:【短片:城巴奪命車禍】巴士工會:部分車長為養妻活兒自願超時 工作達14小時

相關報道:【城巴奪命車禍】危殆傷者情況好轉 15人仍留院

相關字詞﹕編輯推介 城巴 王友聲 深水埗

上 / 下一篇新聞