有網民於facebook上載行車紀錄儀影像,拍攝到車禍發生一刻,可看到涉事巴士前行時剷上行人路,推倒兩支路牌後停下。
從現場圖片可見,巴士旁的的士車尾左面有刮花痕跡,懷疑巴士為避的士而剷上行人路。
簡先生在事發地點旁開咖喱食店。他指甫聽到巨響,立刻走出店外一看究竟:「好多人瞓咗喺地下,有男有女有小朋友。」他指當時不少人身上帶傷及流血,立刻從店內拿出紙巾讓傷者使用。另有人被困在車底,他亦與其他人一同打算將傷者拉出車底,「但卡住咗」。他坦言首次親歷車禍現場,「覺得好唔開心」,又稱不介意生意受影響:「無咗可以再做,但係見咁多人受傷都唔開心。」
事發傍晚6時許,一輛雙層巴士在十字路口失控剷上行人路撞到簷篷,多名途人走避不及遭撞,有人捲入車底受困,上層乘客被撞入車廂的簷篷砸傷。大批警員、消防員及救護員到場救援。
醫管局公布,死者包括2男1女,另有2人危殆、8人情況嚴重、19穩定及滿意,死傷者共32名。