即時港聞

【Emily Online】調查:家長少帶仔女去公園 平均玩唔夠1個鐘就走 (18:43)

業界對「公共遊樂場與兒童發展」進行研究,請咗3名本地大學生設計問卷,發現四成半港童一個月去唔夠4次公園,逾六成家長仲話,每次帶仔女去公園玩,平均玩唔夠1個鐘就走。

其他報道:元朗公路奪命車禍 警方:司機戴安全帶仍拋出車外死亡

香港保護兒童會今年暑假訪問咗202名帶住2至12歲細路嘅家長。調查發現,即使喺暑假黃金期,本地家長帶仔女去公園玩嘅次數偏少,逗留時間短。不足20%細路一星期可以去到兩次公園。

調查又顯示,無論平日定假日,超過七成細路都係媽媽帶去玩,由爸爸帶嘅比例佔唔夠三成,反映爸爸陪伴仔女進行戶外活動嘅角色較薄弱。

香港保護兒童會總幹事蔡蘇淑賢話,港爸港媽對玩樂可以促進兒童發展欠缺認識,政府除咗提供公共遊樂設施外,都要教育家長,令佢地明白「玩」嘅重要性。

東華學院教授鄭佩華就指出,香港遊樂場設置唔方便兒童使用,難以促進唔同年齡羣嘅小朋友,令佢地創造屬於自己嘅新遊戲,政府應該改善遊樂場設置。

Emily慨嘆,今時唔同往日,自己細個每日放學係公園玩到滿頭汗,不知幾開心。不過又咁諗,可能好多細路覺得玩平板電腦仲開心呢。

其他報道:【帕卡襲港】走非正常路線 男女行飛鵝山被困求助 消防隊目拯救時受傷

其他報道:【多圖:帕卡襲港】貨船沉沒 飛行服務隊救出11名船員

相關字詞﹕編輯推介 公園 親子 兒童 玩樂 遊戲 遊樂場

上 / 下一篇新聞