即時港聞

【Emily Online】陳健波帶團遊立會 暑假外遊揀中「最危險地方」 (07:25)

立法會早已暑,但立法會保險界議員陳健波之前一直好忙,今個星期六先會出發去玩。Emily問波哥去邊,佢就講笑話「去而家最危險嘅地方」,原來波哥係去近日接連發生恐怖襲嘅西班牙巴塞羅隆拿。

波哥會歐遊兩周,一早買晒機票去西班牙,佢就話費事改,仲講笑話最危險嘅地方應該最安全,相信當地都緊張咗保安。

波哥暑假都好忙,撈過界做兼職導遊,開立法會導賞團接待市民,佢原本都係諗住淨係搞幾團,結果報名反應出乎意料踴躍,要分3日加場,最後搞咗11場,合共接待300幾人,噚日星期日仲朝九晚六直踩4團,每節最少一個半鐘。

導賞團除咗參觀立法會,波哥仲準備茶點同參觀者邊飲邊傾,唔少市民反映教育、房屋等政策意見,波哥話已記低咗,遲啲向特首反映。今次唔少「團友」係一家大細嚟,波哥話參加者中有少數政治立場偏激少少,但大多數都係理性、講道理、想香港好嘅。

波哥又話有唔少支持者鼓勵佢轉直選,但佢表明暫時唔會考慮,仲話無論直選或功能組別議員,都可以表現好或表現差,所以循乜嘢途徑入立法會唔係最重要嘅。

其他報道:【多圖:覆核改判囚】指遊行集會人數遠超預期 岑敖暉:雨傘運動後最多人一次

其他報道:【打風了?】呂宋低壓區增強成熱帶低氣壓 港周中狂風驟雨雷暴

相關字詞﹕編輯推介 Emily Online 陳健波

上 / 下一篇新聞