即時港聞

【Emily Online】林鄭搞高官集思會撞正遊行 網民:勿同CY一樣唔理 (00:06)

特首林鄭月娥繼上月8日舉行首次集思會之後,今日就喺闊別7個月嘅政務司長公館主持第二次集思會,除咗司局長外,仲加入咗10個副局長,食晏時仲一齊食燒肉、齋鹵味、豬仔包添!

政府發言人話,集思會一早已經安排今日舉行,預定朝早10點至下午3至4點舉行,期間有討論施政報告、管治風格等。消息人士同Emily講,今次會上評估開局頭50日的情況,仲評估政府開局大致成功。

特首林鄭月娥、政務司長張建宗、律政司長袁國強等司局長一齊著住白色Tee喺青蔥草地、豎起手指公一齊合照。有網民睇到呢個post都立即比反應,截至發帖後約40分鐘,一共有295個讚好、94個嬲嬲、18個心心、2個笑哈哈同一個喊樣。

有網民表明支持林鄭,但都有人唔係太滿意,適逢今日有遊行聲援新界東北發展案被告同佔領雙學3子被加刑判囚,有網民就留言話「你有你遊行……」,另有網民話,「請你務必要要盡快回應今天遊行事件,唔好同CY一樣唔理」。

其他報道:【多圖:覆核改判囚】指遊行集會人數遠超預期 岑敖暉:雨傘運動後最多人一次

其他報道:【多相:覆核改判囚】遊行隊頭抵終院 龍尾仍塞灣仔站 有參加者穿「囚衣」聲援

其他報道:【覆核改判囚】石永泰點名批須負責任 戴耀廷:責任應在所有人

相關字詞﹕編輯推介 林鄭月

上 / 下一篇新聞