一連七天的灣仔會展書展，今日迎來最後一天，大會更特別延長兩小時至晚上7時才「收爐」。現已放棄大律師身分，殺入娛樂圈做藝人拍戲及做補習名師的林作，今年亦有推出著作，不過他在facebook慨嘆書展「烏煙瘴氣」，大部分書都不是「真•書」。
其他報道：【短命8號波】天文台長分享烈風位置圖：這cap圖會成經典 指近年有人關心假期多於災難預防
林作今年推出著作《讀完這本書 你會曉用英文追女仔》，賣點是「想追女仔，就要識好英文」。他前晚就在fb分享自己第一年「認認真真去書展」的感覺，直指「呢度真係烏煙瘴氣」，「我明白香港係文化沙漠，明白今時今日香港人唔睇書，但唔明白點解堂堂一個書展，大部分嘅『書』，根本就唔係真•書」。
林作承認自己推出的著作書名譁眾取寵，但強調其內容實實在在，「連一幅圖片都冇（故意地話畀人知咩叫真材實料），全文字」，批評周圍的「書」是「笑話」，「我冇辦法接受嗰d寫真集當成書（呢度只係舉個例子，其實旅遊攻略也一樣）咁賣 」。
他又說，「但當自己本書隔籬係個騎呢中醫師喺度教人如何斷定自己條頸椎有問題時，兼未經我同意下搵我嚟做model示範畀人睇時，我頓時熱淚盈眶」。
林作認為，「以後，真•書應該杯葛書展，自己搞個『真•書展』」。
有網民留言支持，形容書展風氣「好多年前已係咁」，但亦有人問「冇圖就係書？多字就係書？」