《港區國安法》日前生效，近日各區出現印有民主派頭像、寫有「反國安法，打倒極權，抗爭到底」字眼嘅橫額，但就唔知咩人製作。參加新界東民主派初選嘅立場新聞前記者何桂藍話，團隊都未設計橫額，已經有對家幫手「免費宣傳」，形容明顯係針對民主派參選人嘅行為。佢表明「係啊，我係反國安法，唔使特登安個罪證畀我喎」。
參加超級區議會初選嘅元朗區議員王百羽（王伯），選區內都有出現呢類橫額。王伯同Emily講，假橫額設計、排版非常核突，仲要整到佢塊面白晒；平時團隊掛橫額係用足8條索帶扣實，但呢塊假橫額就淨係用兩條索帶扣住，掛嘅人「懶到死」。王伯又質疑國安法本身已經係「佢（政權）說了算」，要搵藉口拉晒爭取香港自由嘅人，而家又扮晒有法治，要假惺惺偽造「罪證」去屈同砌生豬肉。
港區國安法 相關報道：
相關字詞﹕國安法 港區國安法 港版國安法 23條 23條立法 國安法香港 基本法附件三 香港國安法 國家安全法 人大 基本法 國安法內容 人大會議 一國兩制 基本法23條 民主派 初選 立法會選舉 何桂藍 王百羽 編輯推介