就快到聖誕節，香港天主教正義和平委員會同社福界議員邵家臻，月初發起「給手足寫聖誕卡」行動，邀請教友或公眾人士寄聖誕卡畀在囚「手足」，Emily今晚（13日）見阿臻喺facebook上載咗整理聖誕卡嘅相，佢哋收到嘅聖誕卡好似排山倒海咁多，睇怕都數以千計！阿臻同正委會嘅成員要將市民寄嚟嘅聖誕卡，寫上在囚手足姓名及編號，再轉寄出去，睇嚟都要做唔停手。
相關報道：本地聖誕郵件下周五截郵 議員籲市民寫信向社運被捕者送暖
Emily同阿臻傾過，佢話都暫時未有時間數收到幾多聖誕卡，形容係「一疊疊咁拎上來」。阿臻話，佢哋已經收集到大約40名被還押喺荔枝角收押所嘅手足姓名，市民如果想寄聖誕卡畀手足，只要喺抬頭寫上「手足」，再將聖誕卡郵寄到「香港西灣河耀興道72號聖十字架中心6/F（香港天主教正義和平委員會）」代收，正委會就會將聖誕卡隨機轉交畀在囚手足。
逃犯條例 相關報道︰
簡體字可樂罐印繁體「香港警察時代英雄」 可口可樂：二創與公司無關