7月7日旺角反對修訂《逃犯條例》嘅示威，有警員喺驅散示威者時叫市民同佢「隻揪」，因此畀網民叫做「隻揪sir」。立法會議員陳志全（慢必）喺事發翌日去信警務處長盧偉聰，話要代表市民約隻揪sir「在完全合法的情況下『隻揪』」。慢必今日（19日）喺facebook公開投訴警察課回信，「已把有關投訴記錄在案」，又話「在此多謝你把事情相告」。
慢必post警方回覆時留咗句言，話「我約你隻揪，唔係投訴呀！」網民都好熱烈回應，有人話可能因為「隻揪要排隊」，叫慢必「拎個檔案編號等下啦」；又有人幫警方諗埋應該點樣覆慢必：「你想約戰的那位同事因太受歡迎！現輪候時間比較長，如想縮短輪候時間可考慮群揪！」又有網民質疑警方回信嘅撰文者中文唔好，話明明上文話慢必「提出投訴」，點解最尾會變咗「多謝你把事情相告」。
睇番慢必當日畀盧偉聰封信，其實又唔係淨係約隻揪sir出嚟合法隻揪嘅，仲有指出唔少市民都認為隻揪sir言行係恐嚇及挑釁市民，擔心佢情緒已失控。慢必因此要求警務處回應，警員喺公眾地方叫市民隻揪，有無違反《公安條例》或《警察通例》。
逃犯條例 相關報道：
相關字詞﹕逃犯條例 香港逃犯條例 移交逃犯 修訂 影響 諮詢 台灣 引渡條例 協定 商界 修訂逃犯條例 移交逃犯內地 中港移交逃犯 立法會 香港引渡協議國家 保安局 秘書處 遊行 二讀 樓市 反修例 反修例遊行 林鄭 林鄭月娥 政府 陳志全 慢必 警察 隻揪 隻揪sir 投訴警察課 公安條例 警察通例 警務處 盧偉聰 編輯推介