警方新界南總區應變大隊外籍總警司陶輝（Rupert Dover），一直被指有份喺6月12日金鐘清場行動中下令向示威者開槍。有眼利網民喺連登討論區發帖，話留意到上星期日九龍大遊行期間，陶輝膊頭官階仲係總警司，呢個星期日喺沙田清場期間已經變咗助理處長，仲質疑佢點解咁快升咗職。
Emily查返政府電話簿，見到本身係新界南總區副指揮官嘅陶輝，𠵱家身兼署理新界南總區指揮官。Emily就問過警方消息人士，佢就話原本新界南總區指揮官黎德禮（Patrick Laidler），因為身體抱恙請咗病假，由陶輝署任住先。查實警方高層升職信（yes letter）通常都係年尾派發，消息人士就話，上年年尾升職信就未見有陶輝份。不過陶輝咁積極參與「踏浪者行動」（Operation Tiderider），今年年尾會唔會更上一層樓、坐正做助理處長，我諗Emily同好多網民都好關心。
逃犯條例 相關報道：
相關字詞﹕逃犯條例 香港逃犯條例 移交逃犯 修訂 影響 諮詢 台灣 引渡條例 協定 商界 修訂逃犯條例 移交逃犯內地 中港移交逃犯 立法會 社評 香港引渡協議國家 保安局 秘書處 遊行 二讀 樓市 反修例 反修例遊行 林鄭 林鄭月娥 政府 編輯推介 陶輝 升職