由前特首、全國政協副主席董建華牽頭成立嘅網站「思考香港」,喺前日特首林鄭月娥開記者會道歉後,搞咗個網上「公投」,問網民支唔支持林太未來3年繼續施政。Emily為咗睇結果而投票,公投噚日下晝5點截止,24小時內有16.6萬用戶投票,結果係逾76%市民唔支持林太、支持係24%,唔知「思考香港」會唔會將結果告知中央?
思考香港facebook專頁噚日(18日)出投票帖文,第一句就話「行政長官林鄭月娥就修例引起社會紛爭」,之後包底「已暫緩並親口向全港市民致以真誠道歉」,再問市民「各位會唔會支持她未來三年繼續施政呢?」;並放咗一張林太寫完《施政報告》伸懶腰嘅相代表「支持」,一張林太喺記者會低頭嘅相代表「不支持」。
呢個專頁嘅留言網民本來多係親建制,之前每個帖文都有一二百個讚好,但呢個「公投」喺短短24小時就獲得1.5萬個反應、9000幾個留言、6000幾個分享。有16.6萬人次「公投」,有泛民區議員忍唔住留言問﹕「思考香港係咪玩X林鄭?」不過睇番網民留言,支持林太嘅都唔少。
新巴職工會嘅facebook專頁就讚遊行者讓路畀緊急車同多架被困金鐘嘅巴士通過,感謝港人,工會呼籲前線車長同站務同事6月20丶21號戴口罩,同埋喺口罩上寫字句,向企出嚟嘅市民表達支持、抗議政府。
逃犯條例 相關報道:
6·12速龍小隊制服無警員編號 民權觀察:2016年制服有編號
李家超:研以私人草案處理台灣殺人案 盡快完成調查6‧12涉暴力案
被追問6.12速龍小隊資料 李家超:警方內部有紀錄 交警回覆
6大學及專上學生聯會:政府須明午5時前回應4大訴求 否則行動升級
【短片】李家超籲市民:對政府有不滿意的地方,不要宣泄在警方身上
【短片】李家超:我和特首都會道歉 警有指引訓練射示威者身體最大部分
網民定明午5時死線 周五行動升級 提撤修例4訴求 勇武、和理非「各自做嘢」
相關字詞﹕逃犯條例 香港逃犯條例 移交逃犯 修訂 影響 諮詢 台灣 引渡條例 協定 商界 修訂逃犯條例 移交逃犯內地 中港移交逃犯 立法會 社評 香港引渡協議國家 保安局 秘書處 遊行 二讀 樓市 反修例遊行 董建華 思考香港 林鄭月娥 Emily Online 施政報告 編輯推介