今日（5日）係公布JUPAS聯招結果大日子，Emily先恭喜入到心儀科目的同學仔！雖然之前唔少學系都宣布因反修例運動取消迎新營，可能令一班新鮮人失望，但都有學系決定繼續搞迎新營！好似浸會大學傳理學會今日就發帖文話，繼續搞迎新營之餘，仲會帶新生去近日發生過示威活動嘅地方，以輕鬆方式重塑事件，加深新生對社會局勢嘅了解。如果迎新營期間有合法示威活動，仲會帶有意參加嘅新生一齊為不公義發聲。學會希望咁做既可以教育到下一代，亦能夠支援社會運動！
另一方面，中大醫學院噚日就公布收生成績，經聯招入醫科嘅377名學生逾60%都揀讀中大醫學院，中學文憑試（DSE）46分或以上而修讀醫科嘅74名同學仔，超過三分之二都揀中大，醫學（環球醫學領袖培訓專修）仲連續6年成為全港收生成績中位數最高嘅學科，7科成績中位數達47分！