【短片:一地兩檢】斥限制發言反智 陳淑莊:好像23條時的葉太回來了 (11:12)
2018/5/8

立法會一地兩檢條例草案委員會昨日舉行最後一次會議,主席葉劉淑儀加速處理30項由泛民提出修正案的表決,大部分以十多秒時間完成,泛民會後予以最強烈譴責。委員陳淑莊在港台節目形容,昨日情況超乎想像、超乎常理,周六開會時每位議員已經只有兩分鐘完成「問與答」,而昨日有8小時的會議,但「一開始就無得撳掣排隊問問題,仲要變成一分鐘,官員係唔使答嘅」。

陳淑莊續稱,限制一分鐘很反智,「唔明白議會點解要做到咁樣,我覺得葉太早幾次會議處理得合乎邏輯,但噚日我見到(葉太),就好似重新認識,又或者23條時候嘅葉太返咗嚟」。她指,葉劉淑儀不准許議員提出規程問題,在議員問問題時「閂咪」,又驅逐提規程問題的議員離場,其手法對議會的尊嚴是最大傷害。

對於被指重複發問,陳淑莊回應指,「當政府官員對同一條問題,可以係上一次同今次有唔同答案,又或者政府從來無好認真答過我哋問題,好閃縮咁回避咗個問題,咁議員追問係應該,但葉太每一次就幫咗政府,無畀機會我哋」。

陳淑莊指,今次審議的條例相當複雜,影響深遠,例如第8條,以後在私人合約如不寫明包括內地口岸區,即使寫明是香港亦不包括內地口岸區,當中涉及手機和保險等服務合約,「有啲嘢要問清楚,畀政府解釋。但係依啲位大家好匆匆咁帶過,其實對成件事無補於事,仲有議員話問問題都解決唔到,我哋明白,但唔問問題淨係做舉手機器都解決唔到」。

其他報道:【一地兩檢】十秒表決一項捱批 葉劉:用手指撳掣,小學生都識做

其他報道:【一地兩檢】處理會議惹爭議 葉劉嘆:好辛苦,好嘈吵,好疲倦 稱按議規辦事

其他報道:十秒表決一項 一地兩檢修正全否決 泛民譴責主持手法 葉劉指按掣易﹕他們是否低能?

十大熱門
一周十大