【視后大考驗】重播10年前舊劇 田蕊妮:好彩無整容 (19:11)
2017/5/5

無綫今日落實緊接《不懂撒嬌的女人》後,將於5月29日起逢周一至日晚上9時30分,推出10年前舊作《蘭花劫》。該劇於2007年製作,同年透過TVBI發行至海外市場播映,主要演員有蘇玉華、田蕊妮、唐寧、胡定欣、陳錦鴻、黃智賢及胡諾言等。據知當年海外贏得不少好評,劇集當年更於香港第一所監獄「中環域多利監獄」取景,真實感強烈。

主角之一的田蕊妮今晚接受明報電話訪問,她笑言都想睇返10年前演技如何,因為是賣埠關係,自己都無睇過。怕否被人比較外型?她說:「化妝是有些進步,人可能較瘦,反而第1個想法是10年內好彩無整容,而珍姐(曾勵珍)已經翻睇一次,話我們全部都是凍齡。(今次可能是個人演技新舊大比拚?)自己10年前同10後究竟是進步或是退步?又無,都想睇返自己當時做成點,但真的無印象。」

(即時娛樂)

十大熱門
一周十大