【催淚五步曲】田蕊妮《迷》勁好戲 迫杜汶澤退出幕前 (13:35)
2017/3/2

TVB劇集《迷》不及《親親我好媽》夠婆媽,收視都冇咁高,但口碑都不錯。昨晚的《迷》田蕊妮由頭帶到尾,由警方上門通知她女兒Chloe慘死的錯愕,到認屍時內疚痛哭,淚水與鼻水齊流,落口供時講大話掩飾勒索罪行,眼神是亮點。她企圖跳海自殺又不甘,還有發夢被亡夫責備時自辯不認錯。阿田的粉絲都話:「阿田你太正喇!」昨晚這集戲是視后的表演作。

阿田對自己的表現都好滿意,留言回應粉絲:「我一邊看,一邊回想當時的拍攝情況!我也忘記了自己是怎能做到的!」加埋老公杜汶澤都要在Facebook讚老婆,說:「我老婆依家做戲真係好犀利...我都係專注做導演好嘞,唔夠佢嚟!」兩公婆再來一招雙杯合壁放閃,阿澤讚老婆《迷》做得好好,飲得杯落喎!

網民個個讚,熱捧阿田再登視后寶座。今日阿田就好謙,回應《明報》,說:「都係盡力啫!不過,自己睇返都好滿足!」

(即時娛樂)

十大熱門
一周十大