明報APP
即時財經新聞
【譚仔改Logo】譚仔三哥「易咗容」新Logo要統一路線？
日本著名烏冬專門店「丸龜製麵」的母企Toridoll前年收購譚仔及譚仔三哥（下稱三哥）後，近排開始動作多多。管理層早前受訪表明要重塑品牌形象，而一向主攻年輕、有活力客群的譚仔三哥今日率先換走舊Logo。不過驟眼睇，三哥係新Logo好似「易咗容」，有網民更話似日本人多過三哥！
不過，睇番丸龜製麵的Logo都係得黑白紅三種顏色，今次三哥換Logo亦將三哥件衫同招牌辣椒的鮮紅、鮮綠色換走晒，連三哥都變了黑白色，成個Logo只保留黑白紅三色，似乎是要統一路線。
三哥的官方facebook同ig等社交網站平台已經迅速換上迎Logo。而公司新聞稿就話，今次換Logo是優化商標，同時設計亦「保留三哥標誌性的四方粗框眼鏡，和誠懇親民的笑容，充分代表辣味專家三哥香、麻、辛、辣的堅持」。
公司仲透露有下一步計劃，指為配合新商標，三哥將陸續推出一系列市場推廣，包括網上宣傳片及品牌推廣。
記者：方楚茵
相關報道：
【全靠譚仔？】譚仔母企首三季少賺2% 海外業務貢獻1.8億盈利
其他報道：
【樓市再瘋癲】匯證列五大因素 料今年樓價再升10% 超去年高峰