明報APP
報章內容
南豐提供生科公司實習機會
標籤：小琴密語
【明報專訊】話咁快新學期又開始，南豐集團成立嘅香港生命科技青年會，今年再推出生命科技夏季實習計劃，對象為修讀生物科嘅三、四年級嘅大學生，學生可以選擇本港或內地指定城市，如上海、北京嘅生物科技公司實習，當中包括唔少係香港上市的生科股，如藥明康德（2359），藥明生物（2269）及德琪醫藥（6996），實習期為一個月。
可選本港或內地指定城市
生命科技青年會嘅執行總監黃槿就話，每年平均有逾200名大學生申請，當中會篩選約30人。南豐每年投資約幾十萬喺呢個計劃，當中會一手包辦到訪內地實習生嘅來回機票同所有住宿費用，而喺內地實習的工資水平普遍較香港低，但每月會有基本工資，留喺本港實習嘅工資則同啱畢業嘅大學生相若。
目前開始報名約一周，已有逾50人申請，截止報名日期為3月26號，實習期由夏季的6月下旬至8月中旬左右。