明報APP
報章內容
港視靜雞雞推出Open Data Bank
【明報專訊】經營HKTVmall的香港電視（1137）近來搞作多籮籮，本來計劃係1月中由創辦人王維基親自開記招，介紹兼發布HKTVmall數據共享庫（Open Data Bank），點知突然取消。
不過，小琴留意到呢個數據庫其實已經靜靜雞開始運作啦，未來仲可能會搞網上座談會添。
根據HKTVmall數據共享庫的網頁顯示，目前只開放畀HKTVmall商戶、研究機構及香港各大學及大專院校註冊，之後先會公布畀其他三類包括中小型商戶、企業甚至競爭對手、以及香港市民或居民使用嘅詳情。
據網頁顯示，今次公開的API分類至少28類，而且所有data都會係最新嘅。小琴研究咗個網站一陣，註冊時所需嘅資料都頻多，包括好多個人或公司資料，有心嘅用家都要花少少時間填。小琴希望之後港視會介紹多啲，等大眾市民都盡快可以用到呢個Data Bank啦。
email:piano@mingpao.com